Củ tịc lơgar ồng Nguyễn Xuân Phúc bal mờ uă kwang đơng lam bồ Đảng, dà lơgar neh tus bal broă lơh. Broă lơh geh 3 bơnah mờ ală tơngume: Gùng lòt sòl pơnđàng ồs: Bơta pràn pin dờn mờ kơp kơnờm pas sơm.

Củ tịc lơgar ồng Nguyễn Xuân Phúc tus bal broă lơh “Hồ Chí minh- Gùng lòt kơp kơnờm 2022” (Rùp: Thống Nhất/ TTXVN)

Jơh gùt broă lơh là ală jơnau yal bè ală cau neh cèng tàm să he dê sơm pòl ồs jơh nùs bơh nùs nhơm jơh pràn drơng làng bol, ờ ngòt kal ke, bơta lòng, ală jơnau yal bè ală krơh phi să tài làng bol, dà lơgar, tam dră mờ bơta tìs, bơta ờ niam.. Bơh hơ̆ gàr kơ̆ bơta pin dờn bơh làng bol làm gùt ù tiah dà lơgar dê gơwèt mờ Đảng, mờ dà lơgar. Halà ală jơnau yal bè bơta jak chài, bơta bơceh pa bơh cau Việt Nam dê nàng bơtàu tơnguh lơh sa dà lơgar.

Jơnau đơs crih tamya tàm broă lơh (rùp: Thống Nhất/ TTXVN)

Tàm broă lơh, ală kwang bàng gam geh tìp mat lơh kwèng mờ ală cau pơn rơ jak, tam pà jơnau yal bè ală broă lơh geh kuơ.