Jăt jơnau yal, 5 nam do, càr Dăk Lăk neh hòi jà bơcri priă mờ lơh 30 rơndăp broă nhơl chờ mờ phan bơna drơng broă nhơl chờ, kờp jơh khà priă geh 718 tơmàn đong. Mơya, kờp jơh khà cau năc tus càr tơngai do mìng kờp dŭ geh mờr 4 tơlăk nă, khà gơguh cau năc nhơl chờ bè ờs tàm nam geh 5,3%.

Kờp jơh khà priă geh bơh broă nhơl chờ tàm 5 nam mìng kờp dŭ geh mờr 3 rơbô 700 tơmàn đong. Nàng gơguh lơh sa nhơl chờ tàm càr, pơrjum neh ai geh 8 broă lơh tàm tơngai pơn jăt tai, tơrgùm tàm ală tơngu me bè mblàng yal tam gơl pa jơnau git wă bơh làng bol bè tơnguh bơtàu nhơl chờ; pơn jăt tai tơnguh broă yal tơngit, hòi jà yal broă nhơl chờ; lơh gơs ală broă hòi jà bơcri priă; tơnguh bơtàu cau lơh broă.