Kụk Dia càr Dăk Lăk pà git, kờp tus jơh nhai 10 nam 2022, kờp jơh khà tă tàm kes priă dà lơgar geh gah tă dia càr Dăk Lăk lơh geh mờr 5 rơbô tơmàn đong, sơrlèt mờ khà kờp dŭ lài gùt nam, gơguh rơlao 20% pơn drờm mờ tŭ do nam lài.

Ală khà priă tă geh khà gơguh uă pơn drờm mờ tŭ do nam lài, tàm hơ̆ geh: Tă bơh ală mpồl lơh sa kă bro gơdìh dà lơgar, tă dia priă geh bơh cau dùl nă să, khà priă cau ngui phan pal yal, priă ơpah ù mờ priă tă bơh Xổ số. Cồng nha tă tàm kes priă càr Dăk Lăk nam do kung geh dờp broă gơguh ndrờm bal tàm ală tiah, mờ 10 tàm 13 mpồl lơh broă gơwèt Kụk Dia neh tă sơrlèt mờ kờp dŭ gùt nam 2022. Bơh tŭ do tus jơh nam Kụk Dia càr Dăk Lăk pơn jăt tai tơrgùm lơh jăt geh cồng nha ală mpồl broă atbồ tă, pleh mờ bơta ờ geh tă dia, tàm hơ̆, tơrgùm lơh pràn ală broă atbồ khà tă, tam dră mờ ờ geh tă bơh dồs gam gơlời, bơdìh hơ̆ tai, tơnguh ală broă dong kờl cau jào priă dia bơh ală broă lơh niam sră nggal.