Mờ broă lơh ngan lơh niam wơl sră nggal, ai geh tiah bơcri priă kă bro, càr Dăk Nông neh lơh geh ală cồng nha niam bơnĕ ngan, tơlik geh bơh ală bơta tơngŏ bơh mpồl bơtiàn mpồl lơh sa kă bro sùm gơguh tàm 4 nam do. Pal kah ngan là geh uă bơta tơngŏ bơnah PCI nam 2022 geh ală bơta gơguh uă, bè khà ai tơngŏ loh làng săp sèng dơ̆ 17 tàm 63 càr, ƀòn dờng.

Tŭ do, càr Dăk Nông gam pơn jăt tai lơh jăt ală broă bè: tơnguh broă tìp jơnau tơngit, git mờ bơsong di tŭ ală bơta kal ke, gơkòl ai mpồl lơh sa kă bro in, lơh ngan tơmù priă tă ờ mùl màl, tơnguh broă lơh geh cồng nha tàm broă lơh jăt ală broă dong kờl mpồl lơh sa kă bro in.