Mùl màl, tơngai bơh nam 2016 tus 2020, gùt càr neh tềm pềr geh rơlao 49,6 tơlăk Kwh; nam 2021 tềm pềr geh mờr 11 tơlăk Kwh mờ khà priă geh di pơgăp 20 tơmàn đong.

Khà ồs đèng tềm pềr tàm nggùl nam do geh 5,55 tơlăk Kwh, ndrờm mờ khà priă 10 tơmàn đong. Ală kơnhoàl, ƀòn dờng, anih lơh broă, mpồl lơh broă tàm càr Dăk Nông neh lơh ngan lam sồr, yal broă ngui ồs đèng tềm pềr geh cồng nha; lơh jăt broă tềm pềr ồs đèng tàm broă rơndăp lơh, bơcri priă, atbồ, lơh ală gah sòl àng, bơ̆t bơtàu, gùng lòt pơn diang phan, lơh sa suơn sre... Geh pơnrơ ngan bè ngui kông nghệ đèng led, lơh is tàm broă sòl àng mpồl bơtiàn; ngui broă lơh sa suơn sre kông nghệ cao, tuh dà tềm pềr...