Mpồl màl 3 broă lơh bơ̆t rơbòng dà pa geh UɃÑZ càr Kon Tum kĭ ai gùng dà nàng bơcri priă lơh, tàm hơ̆ geh: Rơndăp broă lơh kơl jăp wơl bơtơ̆t Đăk Tua, Đăk Leng tàm xã Hiếu mờ thị trấn Măng Đen, kơnhoàl Kon Plông; Rơndăp broă lơh kơl jăp wơl bơtơ̆t Đăk Ka Well tàm xã Đăk Blà, ƀòn dờng Kon Tum mờ Rơndăp broă lơh kơl jăp wơl bơtơ̆t Đăk Grấp tàm xã Sa Loong, kơnhoàl Ngọc Hồi.

Kờp jơh khà priă bơcri lơh kơl jăp wơl 3 bơtơ̆t là 3 tơmàn đong bơh priă bơcri kes priă Dà lơgar dong kờl tơmù bơta hoàc huơr bơh rềs àr trồ tiah lơh aniai tàm 10 nhai bồ nam 2022. Lài mờ hơ̆ tàm lồi nhai 3 nam 2023, UɃÑZ càr Kon Tum neh tơlik kơrnoăt tam pà 30 tơmàn đong priă bơh kes priă Dà lơgar dong kờl tơmù hoàc huơr bơh rềs àr trồ tiah lơh aniai nàng lơh kơl wơl, lơh niam wơl ờ uă broă lơh bơtơ̆t rơbòng dà.