Đơs tàm dơ̆ kĭ sră cih kah bè lơh broă bal đah 2 càr, ồng Dương Văn Trang, Ủy viên Đảng dà lơgar, Ƀí thư Tỉñ ủy, Củ tịc Hội đồng Ñân zân càr Kon Tum mờ ồng Lệt Xay-nhạ-phon, Ủy viên Đảng Làng bol kăc màng Dà lơgar Lào, Ƀí thư Tỉñ ủy, Kwang atbồ càr Attapư jờng rơ uă ngan ală cồng nha lơh geh bè lơh broă bal đah 2 càr dê tàm tơngai pa do mơkung đơs nền pơn jat tai sơlơ tơnguh, lơh kơ̆ kơljap, bơtàu tơnguh bơta gĭt gơ̆p lơh bơyô bal, lơh broă bal tơl làm, tam klăc bal kwơ màng đah càr Kon Tum mờ càr Attapư.

Anih tàm dơ̆ lơh broă

Jat tàm nùs nhơm gĭt wă, pin dờn bal mờ gơ̆p, bơh cồng nha neh lơh geh kung bè sền gĭt loh bơta kal ke, bơta lòng, Ủy ƀan Ñân zân càr Kon Tum mờ gơnoar atbồ càr Attapư, lơgar Lào neh kĭ sră cih kah bè lơh broă bal tơngai lơh broă bơh nam 2022-2027 mờ ală jơnau kờñ ngan ngồn tàm tơl gah dê, bè: cíñ trị, lơh broă mờ lơgar ndai; Sền gàr dà lơgar, sền gàr lơngap lơngai; lơh sa; bơto bơtê mờ bơtàu tơnguh mpồl cau lơh broă.