Drim ngai 03/11, tàm ƀòn dờng Kon Tum, Mpồl kwang bàng đơng lam bồ càr Kon Tum mờ càr Sê Kông, lơgar Lào neh geh dơ̆ lơh broă sền wơl cồng nha lơh broă bal tơngai pa do mờ kĭ sră cih kah bè lơh broă bal tơngai bơh nam 2022- 2027. Ủy ƀan Ñân zân càr Kon Tum mờ gơnoar atbồ càr Sê Kông neh kĭ sră cih kah tàm hơ̆ geh 7 bơta bè lơh broă bal đah 2 càr tơngai bơh nam 2022-2027.

Anih dơ̆ lơh broă

Jat hơ̆, càr Kon Tum mờ Sê Kông pơn jat tai lơh broă bal bè sền gàr lơngap lơngai, rơndap tap sèng, bơt bơtàu tiah nhàr lơgar ring lơngai, kơ̆ kơljap, lơh broă bal mờ bơtàu tơnguh tơl làm; lơh lila ală broă lơh gơ hòi gơ jà bơcri priă kă bro, pơn jờng cau bơcri priă bơh càr dê jòi tơngai niam bơcri priă mờ lam lơh jat rơndap broă lơh tàm 2 càr.

Kwang đơng lam bồ càr Kon Tum mờ Sê Kông kĭ sră cih kah lơh broă bal tơngai bơh nam 2022-2027

Lơh geh ală bơta ƀuơn nàng kơnòm bơsram càr Sê Kông in tus bơsram sră tàm ală hìu bơsram tàm càr Kon Tum dê jat Broă lơh Đại họk tơngai bơh nam 2024-2029 mờ ai kwang bàng, kơnòm bơsam càr Kon Tum tus bơsram tàm ală Hìu bơsram tàm lơgar Lào dê jat Broă lơh bơto bơtê lơyah tơngai; hòi jà bơyai lơh tàm tơrbŏ bal tour, gơl gùng nhơl chờ nàng ngui bơta pràn nhơl chờ tàm gơl gùng pleh lơh sa tiah đah mat tơngai lik mờ tiah đah mat tơngai mŭt dê...