Thủ tướng Cíñ phủ Phạm Minh Chính đơs nền, pơgap mờ do 1 nam, ngai 11/10/2022, Cíñ phủ ai tơlik Nghị quyết sồ 128 bè gơ dờp lơngăp lơngai lòt rê , ngac ngar, gròi sền geh cồng  nha kòp Kovid-19. Tus tŭ do, sền wơl 10 nhai do, broă gơlik geh neh krơi, geh uă tam gơl pơndrờm mờ tŭ bơt bơtàu broă rơndap lơh nam 2022 mờ ờ hềt gơtùi git lài jơh. Cíñ phủ pơrjum ờs mờng nàng sền sơ wì bè broă lơh sa- mpồl bơtiàn nhai 10 mờ 10 nhai nam 2022 nàng kờñ ai mờng chài, ai tơlik jơnau kờñ, gùng dà đơng lam, pơlam bơh tŭ do tus lồi nam 2022, gàr niam jơnau kờñ neh ai tơlik jat nùs nhơm đơng lam bồ bơh Đảng dà lơgar, Ƀộ Cíñ trị dê gơ wèt mờ broă lơh sa mpồl bơtiàn dà lơgar.

Ală kwang bàng Cíñ phủ tàm dơ̆ pơrjum

Thủ tướng kơp kờñ ală kwang bàng Cíñ phủ tơrgùm jơh bồ tơngoh jak, mờng chài, tă pơgồp jơnau yal, jơnau đơs, jơnau sền sơ wì bè broă gơlik geh nàng geh ală jơnau kờñ, kơnòl broă, broă lơh dipal mờ kung ring bal Nghị quyết dơ̆ pơrjum nàng đơng lam bồ, pơlam tàm nhai 11 mờ nhai 12, tơn jơh nam 2022 geh cồng nha, lơh geh ală jơnau kờñ ai tơlik.