Jat broă lơh dơ̆ lòt còp dê, tơnơ̆ dơ̆ wă rò kâp dà lơgar bơh Kwang atbồ lơgar Indonesia đơng lam, Củ tịc lơgar ồng Nguyễn Xuân Phúc geh tìp mat cribơyai broă mờ Kwang atbồ lơgar Indonesia ồng Joko Widodo, sền dơ̆ jàu ală sră nggal lơh broă bal đah 2 lơgar; tus bal dơ̆ iờ sa kâp dà lơgar bơh Kwang atbồ lơgar Indonesia ồng Joko Widodo đơng lam. Củ tịc lơgar kung geh tìp mat cribơyai broă mờ Củ tịc Mpồl duh broă cau ala mat làng bol Indonesia, tìp mat Củ tịc Mpồl duh broă cau ala mat kâp hơ đơm lơgar Indonesia.

Củ tịc lơgar kung geh lời tŭ tơngai nàng boh bơr mờ kwang bàng, cau lơh broă Đại sứ quán Việt Nam tàm Indonesia, mpồl kwang bàng Việt Nam tàm ASEAN mờ ala mat mpồl bơtiàn cau Việt Nam tàm Indonesia. Dơ̆ lòt còp lơh tềl bơta bơtàu tơnguh tàm git gơp đah 2 gah, ai git gơp lơh broă bal kuơmàng Việt Nam- Indonesia ngai sơlơ bơtàu tơnguh, ngan ngồn mờ geh cồng nha, drơng ngan ngồn bơta kuơ bơh làng bol 2 lơgar dê.