Tàm dơ̆ cri bơyai, bàr gah ring bal tơnguh broă tìp bal, cri bơyai kấp dờng; pơn jăt tai ngui niam gơnoar bơh ală anih lơh broă adăt boh lam tàm broă lơh pràn broă lơh git gơ̆p bal đah bàr lơgar kung bè broă pơgồp bal jăt sền ală Jơnau ring bal lơh broă bal đah bàr lơgar dê; tam pà broă lơh mờng chài tàm broă bơ̆t bơtàu mờ lơh gơs mpồl lơh broă, adăt boh lam nàng ai geh bơta ƀuơn ai broă lơh bal đah bàr lơgar.

Cri bơyai bè bơta tàm dunia mờ tàm tiah do, Củ tịc lơgar sồr Quốk hội lơgar Thái Lan pơn jăt tai kờñ bal mờ geh sùm nùs nhơm bal bơh mpồl ASEAN dê bè broă prăp gàr bơta ring lơngai, kơ̆ kơl jăp, gàr niam bơta lơngăp lơngai, ờ do ờ dă mờ khăt gơboh gùng lòt tàm dà lềng mờ gùng par tàm kơl wàng trồ tiah dà lềng đah măt tơngai lik, bơsong broă tam phà mờ ală broă lơh ring lơngai, tàm tơngu me adăt boh lam dunia dê.