Ala măt Đảng, Dà lơgar tìp măt ală pơgru neh rê rlô lơh broă bơtòm tơrgùm tàm Mpồl cau pơgru lài do Việt Nam dê, Củ tịc lơgar tơlik nùs nhơm ưn ngài, kah rơngal ală Cau pơgru tài bơh ală tă pơgồp jŏ jòng, geh cồng nha ai broă lơh bơto bơtê bơh dà lơgar dê, tă pơgồp dà kơlhề ai broă lơh bơto kòn bơnus, tài dùl rài tơnơ̆ do àng sơrdah ai jơi bơtiàn in. Tơl bơta phi să tă pơgồp dà kơlhề, tơl bơta bơceh pa jak chài bơto bơtê geh dờn dờp, ngui geh cồng nha halà ờ ndrờm bơh ală cau ătbồ bơto bơtê bơh kâp dờng tus kâp dềt, Củ tịc lơgar ồng Nguyễn Xuân Phúc đơs là, bơta pal chờ hờp ngan là tàm uă nđờ jơ̆t nam do, dà lơgar he neh geh dùl mpồl cau pơgru lơh broă lơh ătbồ bơto bơtê jơh nùs jơh tồr mờ bơceh pa.