Đơs tàm dơ̆ bơyai lơh, Củ tịc lơgar ồng Nguyễn Xuân Phúc jơh nùs kah ưn ngài mờ tơngŏ nùs nhơm gĭt ưn ngài uă ngan rlau jơh tus Củ tịc Hồ Chí Minh dờng màng, tơngŏ nùs nhơm gĭt ưn ngài uă ngan rlau jơh mờ cih kah dà kơl hề dờng màng ngan bơh ală kwang ling, kwang bàng, cau ling, ling klàng mờ làng bol neh khin cha jak chài chơ̆t phi să tài broă lơh tam lơh dong klàs jơi bơtiàn.

Củ tịc lơgar ồng Nguyễn Xuân Phúc đơs loh, broă sơnđờm ai ngui Tiah kah kơlôi Hòn Tàu- Đèo Le geh gơtha kwơ màng ngan tŭ tơngai tŭ do dê, ling klàng mờ làng bol gùt lơgar gam wèt tus tơngkah kir sơnrai 78 nam Ngai crơng gơs Mpồl ling klàng làng bol Việt Nam (22/12) mờ 33 nam Ngai Sền gàr dà lơgar jơh gùt làng bol (22/12). Bơh hơ̆, dùl dơ̆ tai đơs nền dơ̆ tam lơh sền gàr dà lơgar bơh jơi bơtiàn Việt Nam dê là dùl dơ̆ tam lơh di pal, tài lơngap lơngai is, khat gơboh mờ chờ hờp bơh làng bol dê.