Củ tịc lơgar đơs tờm, lơgar Việt Nam sền kwơ broă lơh git gơ̆p, lơh broă bal uă bơta mờ lơgar Qatar; tơlik nùs nhơm chờ hờp tềng đăp mờ ală broă tơnguh bơtàu niam tàm broă lơh git gơ̆p, lơh bơyô bal đah bàr lơgar dê; đơs niam broă tam gơl mpồl kwang bàng ală kấp mờ kờñ bal uă tàm ală pơrjum uă lơgar.

   Củ tịc lơgar ồng Nguyễn Xuân Phúc wă ồng Mohamed Ismail Al-Emadi, Đại sứ lơgar Qatar tus tơngăc

Nàng lơh pràn broă lơh bal rơlao tai đah lơgar Việt Nam mờ Qatar tàm tơngai tus, Củ tịc lơgar sồr bàr gah pơgồp bal bơyai lơh ală broă tơnkah 30 nam crơng gơs broă lơh bal mờ lơgar ndai tàm nam 2023; lơh pràn ală broă tam gơl mpồl kwang bàng ală kấp; sồr mpồl lơh sa kă bro bal mờ ală kes priă bơcri lơgar Qatar tơnguh bơcri priă tàm lơgar Việt Nam. Củ tịc lơgar kơ̆p kờñ ồng Đại sứ tàm ală gơnoar broă pa lơi, sùm geh là cau tơrbŏ bal lơh pràn broă lơh git gơ̆p, lơh bơyô bal, lơh broă bal đah bàr lơgar dê.