Tàm dơ̆ wă, Củ tịc lơgar ồng Nguyễn Xuân Phúc đơs nền, Việt Nam sùm sền dờng màng sơlơ tơnguh bơta gĭt gơ̆p Lơh broă bal jŏ jòng mờ Australia, dùl lơgar lơh broă bal bơtàu tơnguh kwơ màng bơh lơgar Việt Nam dê tàm tiah đah Jum Thái Bình Dương mờ kung là lơgar lơh broă bal jŏ jòng tơl làm bơh Asean dê.

Củ tịc lơgar jờng rơ uă ngan broă ală ƀang bơh lơgar Australia dê lơh lài broă lơh sơlơ tơnguh bơta gĭt gơ̆p mờ Việt Nam; ală tiah mờ 2 lơgar lơh ngan jòi tŭ tơngai niam nàng sơlơ tơnguh lơh broă bal; tàm hơ̆ ƀang South Australia lơh broă bal mờ càr Nghệ An, ƀòn dờng Đà Nẵng bè bơto bơtê. Củ tịc lơgar kung sồr ƀang South Australia pờ ơnàng lơh broă bal mờ uă tiah ndai bơh lơgar Việt Nam dê; mơkung sền sơ wì gờñ pờ Cơldŭ lơh broă ala mat kă bro- bơcri priă tàm lơgar Việt Nam.