Đơs nền dà lơgar sùm kờñ geh bơta tă pơgồp bơh ală cau geh bơngă pin dờn pơn rơ jak tàm làng bol ală jơi bơtiàn kòn cau dùl êt nă cau, Củ tịc lơgar kơp kờñ cau geh bơngă pin dờn pơn rơ jak là bơta jơh nùs niam ngan tàm ală srơh bơh ƀòn lơgar dê, pơgồp bơnah bơtàu tơnguh lơh sa, mpồl bơtiàn, jơh nùs tus bal sền gàr lơngăp lơngai, sền gàr dà lơgar.

Củ tịc lơgar pà phan ală cau ala mat cau geh bơngă pin dờn pơn rơ jak tus bal dơ̆ tìp mat

Tàm dơ̆ tìp mat, ală cau ala mat neh tam pà ală mờng chài tus bal lơh hìu ơm ai cau geh màng mờ dà lơgar, cau rƀah tàm ƀòn lơgar in; lơh ngan brồ guh lik klàs rƀah, lam sồr, hòi jà, mblàng yal, làng bol sền gàr mờ ngui niam ală bơta kuơ niam chài jơi bơtiàn kòn cau dê, sang tĕ ală bơhiàn ờ niam… mờ kung kơp kờñ Đảng, dà lơgar pơn jat tai dong kờl nàng làng bol in bơtàu tơnguh lơh sa mpồl bơtiàn, tơnguh niam rài kis.