Ală xã Khổng Lào, Hoang Thèn, Mường So geh 30 ƀòn làng bol ơm kis bal mờ 3 rbô 404 hìu bơnhă, geh 5 kòn cau: Yoan, Thái, Dao, Mông, Dáy ơm kis bal. Làng bol ƀòn lơgar sùm tơnguh uă nùs nhơm tam klăc bal, ơm kis đềt mềr bal; lơh jăt niam ală jơnau sồr bơh Đảng, kơrnoăt boh lam bơh Dà lơgar dê, jơnau hơ pơrgon bal ƀòn lơgar dê tàm ƀòn làng bol ơm kis; tơryăng tơryồng tàm pơrlòng lơh broă lơh sa, tơn jơh jơgloh tơrmù rƀah; tus tŭ do neh geh 2/3 xã lơh geh tơl broă jàu bơ̆t bơtàu ƀòn lơgar pa. Làng bol pe xã sền dờng màng prăp gàr mờ ngui niam ală dơ̆ lơh chờ ờs mờng bơh yau, jơh nùs tus bal lơh ală broă lơh ătbồ is tàm ƀòn làng bol ơm kis.

Tơm bơh bơr mờ làng bol, Củ tịc lơgar ồng Nguyễn Xuân Phúc đơs sùm, tam klăc là dùl bơhiàn ờs mờng bơh yau kwơmàng ngan bơh jơi bơtiàn Việt Nam dê; tơl nă làng bol pal sền gŏ is kơnòl bơh he dê gơwèt mờ thôn, ƀòn, ƀòn lơgar, dà lơgar; sền gròi, dong kờl mờ tàm dong bal mờ gơ̆p nàng jơh tơl nă cau, jơh tơl hìu ngai sơlơ geh rài kis niam bơnĕ. Làng bol tam klăc, ơm kis đềt mềr bal, bơ̆t bơtàu hìu bơnhă, ƀòn lơgar ờ mìng nàng bơtàu tơnguh lơh sa, lơh pas mờ gam sền gàr ală bơta kwơ niam chài ờs mờng bơh yau, adat bơhiàn niam bơnĕ bơh hìu bơnhă, bơh jơi nòi dê; hòi jà oh kòn kòn sau dòn bơr, bơsram jak...