Wă rò Đại sứ lơgar Srilanka, Củ tịc lơgar Việt Nam ồng Nguyễn Xuân Phúc đơs nền, Việt Nam sùm sền dờng màng bơta gĭt gơ̆p lơh bơyô bal ờs mờng bơh yau mờ lơh broă bal tàm uă broă mờ lơgar Srilanka, kơ̆p kờñ ai bơta gĭt gơ̆p bàr lơgar bơtàu tơnguh geh cồng nha mờ mŭt lơh ngan ngồn rlau tai tàm uă broă. Tàm tơngai tus, Củ tịc lơgar Việt Nam ồng Nguyễn Xuân Phúc sồr, bàr lơgar pơn jăt tai tàm pơgơl ală mpồl kwang bàng kâp dờng mờ ală kâp lòt còp bal mờ gơ̆p, tàm ală gah broă Cíñ phủ, Quôk hội, Đảng cíñ trị mờ gĭt gơ̆p làng bol dê. Wă rò Đại sứ lơgar Campuchia lòt tơngăc, Củ tịc lơgar ồng Nguyễn Xuân Phúc chờ hờp mờ jờng rơ Đại sứ lơh sir jơh jak ngan kơnòl broă geh jàu, tă pơgồp niam ngan ai bơta gĭt gơ̆p 2 lơgar in, ngan là tàm Nam Lơh bơyô bal Việt Nam mờ Campuchia nam 2022. Củ tịc lơgar Việt Nam kơ̆p kờñ, tơngai mờr tus, bulah tàm gơnoar broă lơi, Đại sứ kung sùm kah tus dà lơgar Việt Nam, pơn jăt tai tă pơgồp bơta pràn he dê tàm broă sền gàr, prăp gàr bơhiàn tam klăc, lơh bơyô bal, lơh broă bal mờ dong kờl bal mờ gơ̆p đah 2 lơgar.