Drim ngai 03/11, Củ tịc lơgar ồng Nguyễn Xuân Phúc wă Đại sứ lơgar Kak tiểu vương quôk Arab tơrgùm dùl (UAE) ồng Obaid Saeed Al Dhaheri tus tơngăc di dơ̆ tơn jơh tơngai lơh broă tàm Việt Nam.

Củ tịc lơgar wă Đại sứ lơgar Kak tiểu Vương quôk Arab Tơrgùm dùl (UAE)

Củ tịc lơgar ồng Nguyễn Xuân Phúc jờng rơ uă ngan ală bơta tă pơgồp bơh ồng Đại sứ dê tàm broă sơlơ tơnguh bơta gĭt gơ̆p lơh bơyô bal, lơh broă bal uă gah đah Việt Nam mờ UAE. Việt Nam jờng rơ uă gơnoar broă dờng màng bơh UAE dê tàm tiah do mờ ală dơ̆ cribơyai uă lơgar. Nàng sơlơ tơnguh bơta gĭt gơ̆p lơh broă bal 2 lơgar, Củ tịc lơgar ồng Nguyễn Xuân Phúc sồr 2 gah lam lơh jat ală broă lơh bè sơlơ tơnguh cribơyai tàm pơgơl mpồl kwang bàng ală kấp, ngan là mpồl kwang bàng kấp dờng; pơgồp bal bơyai lơh ală broă lơh cíñ trị, lơh sa mờ bơta niam chài wèt tus tơngkah kir sơnrai 30 nam Ngai lơh bơta gĭt gơ̆p cribơyai broă mờ lơgar ndai đah 2 lơgar dê tàm nam 2023; lơh ngan pơgồp bal mờ kờñ bal mờ gơ̆p tàm ală dơ̆ cribơyai, mpồl dunia mờ tàm tiah do dê.