Củ tịc lơgar ồng Nguyễn Xuân Phúc jờng rơ ngan gơnoar broă bơh ồng Kambiz Ghawami dê neh geh uă tă pơgồp kwơmàng tàm broă tơnguh lơh broă bal đah Việt Nam mờ Đức bè bơto bơtê bơh uă nđờ jơ̆t nam do. Ồng Kambiz Ghawami mờ Mpồl Dong kờl Đại họk Dunia lơgar Đức neh geh uă broă lơh lơh broă bal ngan ngồn mờ uă hìu bơsram, anih bơto bơtê tàm lơgar Việt Nam, pơnrơ ngan là Hìu bơsram Đại họk Việt- Đức. Ki ngàm mờ ưn ngài Củ tịc lơgar ồng Nguyễn Xuân Phúc lời tŭ jiơ wă, ồng Kambiz Ghawami pà gĭt, sùm kơ̆p kờñ tơnguh lơh broă bal bàr lơgar tàm broă bơto bơtê mờ bơsram. Tàm dơ̆ lòt còp dơ̆ do, ồng neh lơh broă mờ bàr pe hìu bơsram khà dùl tàm Việt Nam. Bơh Mpồl Dong kờl Đại họk Dunia lơgar Đức, ƀang Hessen neh jàu bàr pe bơnah priă dong kờl bơsram ai cau bơsram dờng Việt Nam in.