Củ tịc Quôk hội ồng Vương Đình Huệ sồr càr Tuyên Quang tơrgùm sền sơ wì nggùl tơngai lơh broă, kờp sền jơh ală gah broă, sền wơl ală kơnòl broă geh jàu, rơndap broă lơh ờ hềt lơh halà ờ hềt lơh sir nàng sồr lơh jat. Kwơ màng, Tuyên Quang pal tơrgùm lơh niam rơndap ù tiah càr di pal mờ Rơndap ù tiah jơh ală tiah gùt lơgar dê mờ Quôk hội pa lơh nền tàm Pơrjum nisơna dơ̆ 2 pa do, rơndap ù tiah bè ù tiah, rơndap ù tiah bè tiah drà, rơndap ù tiah càr; lơh sir rơndap tap sèng phan bơna gùng lòt, sền gròi bơt bơtàu ală sơnĕ gùng mờ gùng tơrgùm bal; kờp sền nàng ngui bă ù tiah tơnguh tiah lơh sa mờ măi mok, tiah drà.

Mho dùl ngai bal, Củ tịc Quôk hội ồng Vương Đình Huệ mờ mpồl lơh broă neh tus còp Tiah tềl lời wơl Dà lơgar kwơ màng Tân Trào, chu ñàng tàm Hìu kù Nà Nưa; chu ñàng mờ tam chi lời kir sơnrai tàm Hìu duh khoai Tân Trào….