Đơs tàm dơ̆ tìp mat, Củ tịc Quôk hội đơs sùm, Mpồl pal tam gơl bồ tơngoh kơlôi sơnơng bè broă lơh rơndap ù tiah tiah drà, gàr niam rơndap ù tiah tiah drà pal geh bơta sền sơnơng jŏ jòng, dùl ròt bal mờ pa ngan, ai kòn bơnus mờ bơta niam rài kis lơh bơta tờm; kràñ cê jơh nùs tơn jơh bồ tơngoh kơlôi sơnơng tơngai lơh broă, bơta rơndap ù tiah lời gời, gùng dà broă lơh dan ai bơta kwơ mpồl tàm bơt bơtàu, tam gơl wơl mờ bơtơl rơndap broă lơh ù tiah.

 Củ tịc Quôk hội ồng Vương Đình Huệ đơs sùm, bơta kwơ màng bơh rơndap ù tiah dê, ngan là rơndap ù tiah tiah drà. Bơta geh ngan, 75% bơta gơn kơnờm bơtàu tơnguh tàm dunia là tus bơh tiah drà. Tàm dơ̆ tìp mat, ală kwang bàng bơh Mpồl dê neh tă pơgồp jơnau đơs tàm ală rơndap broă lơh Adat ù tiah (tam gơl), Adat Hìu ơm, Adat rơndap ù tiah tiah drà, Adat Bơt bơtàu; Adat kă bro hìu đam...