Tàm dơ̆ wă, Củ tịc Quôk hội ồng Vương Đình Huệ đơs là, tơngai đềt mề r mờ bơta gĭt wă bè Việt Nam là bơta kwơ màng nàng Đại sứ in lơh sir jak ngan tơngai lơh broă bơh he dê, tă pơgồp uă ngan tàm broă sơlơ tơnguh bơta gĭt gơ̆p Lơh broă bal jŏ jòng Việt Nam mờ Tây mờ bơta gĭt gơ̆p lơh bơyô, lơh broă bal niam bơnĕ đah 2 Quôk hội Việt Nam mờ Nghị viện Tây dê.

Đại sứ ồng Nicolas Warnery đơs là, tàm rlau 2 nam do, bulah gơtìp gơrềng bơh kòp dờng Kovid-19 mơya bơh broă cribơyai bơh broă lơh pờ tơlik tàm internet, Quôk hội Việt Nam mờ Nghị viện Tây, Mpồl Gĭt gơ̆p lơh bơyô 2 lơgar kung gam gàr niam sùm cồng nha ală broă lơh cribơyai, lơh broă bal. Củ tịch Quôk hội đơs loh, Việt Nam sùm sền dờng màng bơta gĭt gơ̆p lơh broă bal mờ lơh broă bal tơl làm mờ Mpồl tam klăc câu Âu (EU) mờ bal mờ lơgar Tây kung bè ală lơgar tàm mpồl EU; kơ̆p kờñ pơn jat tai dờp geh bơta kờñ bơh lơgar Tây dê tàm broă pơn jat tai sơlơ lơh pràn kơl dang, geh cồng nha rlau tai bơta gĭt gơ̆p lơh broă bal Việt Nam mờ EU.