Jat ồng Y Linh Niê, Phó Củ tịc Mặt trận dà lơgar Việt Nam xã Cư Prao, ƀòn Pa, ƀòn Năng mờ ƀòn Hoang geh 346 hìu bơnhă bal mờ 1 rbô 400 nă cau, tàm hơ̆ kòn cau Rơđê geh rlau 90%. Pah nam, tàm Ngai tam klac dờng jơh gùt jơi bơtiàn, gơnoar atbồ xã bơyai lơh broă lơh gờm chờ tàm tơl ƀòn, bulah bè hơ̆, nam do, Ủy ƀan xã neh lơh nền bơyai lơh jơh ală ƀòn làng bol ơm kis nàng tơnguh nùs nhơm tam klac bơh ală jơi bơtiàn kòn cau tàm xã dê.

Tus bal Ngai chờ Tam klac dờng jơh gùt jơi bơtiàn tàm ală ƀòn làng bol ơm kis bơh xã Cư Prao, kơnhoàl M’Drăk dê, ồng Y Biêr Niê, Phó Ƀí thư Tỉñ ủy Dăk Lăk pà git, broă lơh do neh gơ gơs là Ngai chờ dờng bơh ală ƀòn làng bol ơm kis dê mờ uă broă lơh li la ngan, cèng bơta niam chài bơh yau bơh ală jơi bơtiàn kòn cau Việt Nam dê pơgồp bơnah sơlơ tơnguh broă bơt bơtàu mpồl tam klac dờng jơh gùt jơi bơtiàn.