22 ƀồc ntìng cau ling chơt màng dơ̆ do geh jòi bàn ndrờm ờ hềt git jơnau yal tơnggit bè mat sơnđan, ƀòn tờm. Thượng tá Trịnh Ngọc Kiệm, Kwang atbồ mpồl K51, Gah đơng lam ling klàng càr Dăk Lăk pà git, tơnơ̆ mờr 7 nhai hàu bơnơm, tiă dà croh, lòt tàm brê, bal mờ bơta dong kờl mờ pơgồp bal bơh gơnoar atbồ, mpồl ling mờ làng bol càr Mondulkiri dê, mpồl neh lòt jòi, tờ tơrgùm ƀồc ntìng cau ling chơt màng nàng ai ală bi rê wơl mờ ù tiah ƀòn tờm dê.

Tus tŭ do, càr Dăk Lăk neh jòi bàn, tờ geh 719 ƀồc ntìng cau ling chơt màng ling dong kờl is mờ cau jak chài lơgar Việt Nam chơt phi să tàm rài tam lơh bơh ală rài tàm càr Mondulkiri, lơgar Campuchia rê tơp wơl hờ ƀòn tờm.