Broă lơh do nàng chờ gờm di tơnkah ngai bơhiàn mpồl ơruh pơnu lơh broă lam lài lài do (15/07), ưn ngài ngai cau ling sồt să cau ling chơ̆t màng (27/07). Tàm broă lơh, ală kwang bàng neh yal wơl bơhiàn 73 nam bơh mpồl ơruh pơnu lơh broă lam lài, lài do dê, sền ală dơ̆ đơs crih tamya niam pơn jờng bồ tơngoh tam lơh pràn kơl dang, nùs nhơm niam, pin dờn geh jai pha mờ ală nùs nhơm niam bơnĕ, geh uă bơta niam bơh ală cau tàm mpồl bal.

Ală măt mpồl ơruh pơnu lơh broă lam lài lài do càr Dăk Lăk kung tus bal boh bơr bè ală jơnau lời kir uă ngan tàm rài tus bal tam lơh, nùs nhơm cau tàm mpồl bal, bơta tam klăc bal bơh ling klàng mờ làng bol lơh ngan lơh gơs kơnòl mờ ală bơta roh rui phi să. Di tàm dơ̆ do, mpồl bơyai lơh neh jào pà 15 pang sră tềm pềr priă (tơl pang sră geh 5 tơlăk đong) mờ 32 pò phan pà ală ơruh pơnu lơh broă lam lài, lài do geh rài kis gơtìp kal ke in.