Jat jơnau đơs bơh Ủy ƀan Ñân zân càr Dăk Nông dê, broă lơh tam gơl sồ neh lơh gơlik bơta gơ rề niam ngan tus tơl gah lơh sa mpồl bơtiàn càr dê. Tus tŭ do, jơh 71 xã, sơnah ƀòn, thị trấn tàm càr neh geh tơrbŏ káp quang; jơh ală thôn, ƀòn neh geh 4G, 73,08% làng bol ngui internet. Jơh ală tiah, mpồl, gah broă lơh càr dê neh lir sră nggal hàñ cíñ mờ mã QR-code.

Pơrjum Ngai tam gơl sồ càr Dăk Nông

Càr neh lơh 713 mpồl kông nghệ sồ kâp thôn mờ git nđờ rbô nă cau geh jơng, là mpồl mblàng yal, dong kờl làng bol ngui ală kông nghệ drơng rài kis in. Bơh tam gơl sồ, git nđờ rbô phan lơh gơs bơh suơn sre tiơng pơn rơ càr dê neh geh tơmut tàm anih kă bro điện tử. Jơh ală mpồl lơh sa kă bro tàm càr neh cih mat tă dia tàm điện tử, 90% kờp jơh kes priă dà lơgar mờ sền sơ wì mờ broă lơh điện tử