Di tơnkah 105 nam ngai kăc màng Nhai jơ̆t lơgar Nga (7/11/1917 – 7/11/2022), lơh jăt kơrnoăt bơh Ƀan Thường vụ Đảng ủy mpồl ală anih lơh broă Dà lơgar, mho òr (07/11), Đảng ƀộ Cơl dŭ lơh broă Củ tịc lơgar bơyai lơh jào gai lòng 40 nam Đảng pà ồng Nguyễn Xuân Phúc, Kwang geh jơng tàm Ƀộ Cíñ trị, Củ tịc lơgar Kộng hoà Xã hội Củ nghĩa Việt Nam.

Đơs tàm dơ̆ pơrjum, Thường trục Ƀan Ƀí thư ồng Võ Văn Thưởng đơs tờm, ồng Nguyễn Xuân Phúc neh mờ gam bal mờ Ƀan Cấp hàñ Dà lơgar, Ƀộ Cíñ trị đơng lam gùt Đảng, gùt làng bol bal mờ gùt ling klàng he sơrlèt mờ ală kal ke, bơta lòng, lơh geh uă cồng nha kwơ màng, mờ ală bơta tơngŏ geh pơnrơ ngan, bơ̆t bơtàu Đảng he ngai sơlơ kloh niam, pràn kơl dang. Ồng Võ Văn Thưởng chờ gờm mờ tơlik nùs nhơm kơ̆p kờñ Củ tịc lơgar ồng Nguyễn Xuân Phúc pơn jăt tai tă pơgồp uă rơlao tai ai broă kă màng Đảng, Dà lơgar mờ làng bol in.