Dơ̆ bơyai lơh geh 18 mpồl bal mờ mờr 900 nă kơnòm bơsram tus bal. Tàm dơ̆ bơyai lơh, ală kơnòm bơsram neh lơh uă jơnau cing mồng, gùng tamya xoang ờs mờng bơh cau Sơ dàng, Bahnar, Jeh Triêng, Jarai dê… Mờ kung lơh wơl 2, 3 broă lơh chờ bơh ƀòn lơgar dê, bè dơ̆ lơh yàng ñô lir bông, lơh yàng mbòr dà.

Dơ̆ bơyai lơh chờ cing mồng- tamya Xoang pơgồp bơnah prap gàr mờ ngui niam bơta kuơ niam chài cing mồng bơh làng bol ală jơi bơtiàn kòn cau dùl êt nă cau dê. Mờ kung tơnguh bơta pơn iờ să jơi bơtiàn kòn cau, bơta kờñ gơboh ƀòn lơgar, dà lơgar ai ală kơnòm bơsram in mờ sơlơ tơnguh srơh niam chài đơs crih tamya, lơh gơlik nùs nhơm chờ hờp, geh kuơ tàm ală hìu bơsram tàm tiah jơi bơtiàn kòn cau dùl êt nă cau tàm càr Kon Tum.