Mpồl broă gơwèt gah bơ̆t bơtàu tơrgùm tàm bơta mùl màl, broă lơh tơnguh uă bơta niam broă rơndăp lơh ù tiah mờ atbồ tơnguh bơtàu ƀòn drà lơgar Việt Nam dê, tàm hơ̆ uă ngan là tàm ală ƀòn dờng dờng.

                                  Ƀộ trưởng Ƀộ Xây dựng ồng Nguyễn Thanh Nghị

Broă ntrờn ală hìu lơh broă ƀộ, gah lơh broă dà lơgar lik bơdìh bơh tiah tàm dơlam ƀòn dờng Hà Nội. Atbồ drà kă bro ù lơh hìu ơm, hìu ơm; broă bơsong ală mpồl lơh broă, cau dùl nă să tìs mờ adăt boh lam tàm broă kă bro, tơrgùm priă, kă bro ù lơh hìu ơm, hìu ơm. Broă lơh hìu ơm mpồl bơtiàn ai cau geh rài kis di mơ, kông ñân, cau lơh broă, tàm hơ̆ uă ngan tàm ală tiah lơh sa, tiah lơh sa mờ măi mŏk mờ ală ƀòn dờng dờng in. Kơnòl atbồ dà lơgar bơh Ƀộ Xây dựng tàm broă bơ̆t bơtàu, tơlik mờ lơh jăt ală jơnau kờñ kỹ thuật, sră priă, bơta geh tàm broă lơh tờm.

Phó Thủ tướng Cíñ phủ ồng Lê Văn Thành, Ƀộ trưởng ală Ƀộ; Kế hoạc mờ Đầu tư, Tài cíñ, Giao thông vận tải, Tài nguyên mờ Môi trường, Lao động-Thương binh mờ Xã hội, Thống đốc Ngân hàng Dà lơgar Việt Nam, Tổng Kiểm toán Dà lơgar geh tus bal hơ jơnau lùp, yal mblàng lơh loh bè ală broă gơrềng bal.