Drim òr (03/11), tàm càr lơgar Vientiane, lơgar Lào, Ƀộ Quốk phòng, Ƀộ Kông thương lơgar Việt Nam pơgồp bal mờ Ƀộ Quốk phòng, Ƀộ Kông thương lơgar Lào bơyai lơh Drà ràng tơlik lơgar Việt Nam mờ lơgar Lào geh tơngu me “Chờ gờm Nam tam klăc git gơ̆p lơh bơyô bal Việt Nam mờ lơgar Lào nam 2022”.

 Thượng tướng Vũ Hải Sản, Thứ trưởng Ƀộ Quốk phòng Việt Nam geh jơnau đơs tàm dơ̆ ràng tơlik

                                             Hìu ràng tơlik phan mai soh bơh ling klàng lơgar Lào

Tus bal dơ̆ ràng tơlik geh di pơgăp 120 hìu tăc phan tus bơh mờr 90 mpồl lơh sa kă bro tus bơh lơgar Việt Nam, tàm hơ̆ geh di pơgăp 30 mpồl lơh sa kă bro gah ling klàng. Bal mờ hơ̆, geh mờr 30 hìu tăc phan bơh ală mpồl lơh sa kă bro lơgar Lào mờ ờ uă mpồl lơh sa kă bro lơgar bơdìh. Drà ràng tơlik là dùl tàm ală broă lơh cíñ trị mpồl bơtiàn geh broă lơh dờng nàng Chờ gờm nam tam klăc bal, git gơ̆p lơh bơyô bal đah lơgar Việt Nam mờ lơgar Lào nam 2022, mờ kung là dơ̆ nàng ală mpồl lơh sa kă bro lơgar Việt Nam đơs bal mờ ală mpồl lơh sa kă bro ling klàng lơgar Việt Nam đơs is geh tai dơ̆ niam nàng tìp bal, cri bơyai bal, jòi geh mpồl lơh broă nàng pờ ơnàng broă kă bro mờ ală mpồl lơh sa kă bro lơgar Lào, mpồl lơh sa kă bro ling klàng lơgar Lào mờ mpồl lơh sa kă bro ală lơgar tàm mpồl ASEAN...