Jơh ală broă lơh ndrờm neh geh càr lam lơh jơh nùs ngan, drơng niam jơnau kờñ lòt còp, triang sền bơh năc lòt nhơl dê. Mờ tơngume “Dà Làc- ƀòn dờng puan kàl bơkàu”, Festival Bơkàu Dà Làc dơ̆ 9 nam 2022 geh lơh bơh nhai 11 tus jơh nhai 12 nam do mờ ù tiah geh lơh làm gùt ală kơnhoàl, ƀòn dờng tàm càr dê. Bal mờ 9 broă lơh tờm, tàm hơ̆ geh pơrjum yal Broă lơh lơh broă bơh Cíñ phủ dê lơh jăt Kơrnoăt sồ 23 ngai 06/10/2022 bơh Ƀộ Cíñ trị dê bè gùng dà bơtàu tơnguh lơh sa- mpồl bơtiàn, sền gàr niam dà lơgar, bơta lơngăp lơngai tiah Tây Nguyên tus nam 2030, broă rơndăp lơh tus nam 2045 mờ hòi jà bơcri priă tàm tiah Tây Nguyên...Festival Bơkàu Dà Làc dơ̆ do gam geh uă broă lơh lơh jăt bal nàng năc lòt nhơl in lòt còp, triang sền, bè: gùng drà cê- kơphê- ơlak vang; dơ̆ lơh chờ Khiñ khí cầu; Dơ̆ lơh drà biăp bơkàu; Carnaval gùng drà; Dà Làc- Lòt nhơl tàm ală ƀòn bơkàu; ală pơrjum, cribơyai jak chài, ràng tơlik, lơh drà kă bro dunia.