Jat Ủy ƀan Ñân zân càr Lâm Đồng pà git, tài trồ tiah gơlik geh kal ke, mìu dờng bal mờ bơta krơi is gùng kuèl Prenn Dà Làc geh ù tiah kơh, kal ke, khà lin taluy hờ đang mờ ta luy hờ đơm uă, ƀuơn ngan gơlik geh bơta tơrlah ù mờ pơhìn uă lơh roh bơta lơngăp lơngai tàm tŭ lam lơh rơndap broă.

Nàng rơndap broă lơh gơs jat di broă rơndap lơh lài, gàr lơngăp lơngai tàm jơh ală bơta tŭ lơh rơndap broă, Ủy ƀan Ñân zân càr Lâm Đồng sồr Mpồl atbồ rơndap broă lơh gùng lòt càr sồr mpồl tờm lơh rơndap broă ngui uă ngan rlau jơh cau lơh broă, phan bơna, măi mok, tơnguh mhar tơngai lam lơh rơndap broă. Tàm hơ̆, lơh jat nền nòn ală broă lơh sền gàr lơh broă, rơndap lơh mpồl lơh broă dipal nàng di tŭ dong kờl, tơngkah lài tŭ geh jơnau pơhìn gơlik geh bơta ờ niam. Bal mờ hơ̆, gùng lòt, đèng sòl àng, phan bơna kỹ thuật, gùng dong kờl rềs àr, gàr kloh niam, bơta niam broă lơh… nàng ai ngui gơl gùng bơh Tiah lòt nhơl ñrùh dà Datanla tus bồ kuèl Prenn (rềp ƀlàng rơndeh ơm càr) lài mờ ngai 30/7/2023.