Tus bal dơ̆ lik lòt jòi, rồ tơrgùm, cèng tơnrê ƀồc ntìng cau ling chơ̆t màng dơ̆ do geh mờr 70 nă kwang bàng, cau ling gơwèt Mpồl K52, Phòng Cíñ trị, Mpồl đơng lam ling klàng càr Gai Lai, geh tam pà lơh gơs ală mpồl, bơnah lơh broă nàng jòi tàm 3 gah tàm 3 càr Preah Vihear, Stung Treng mờ Ratanakiri, lơgar Campuchia.

  Kwang đơng lam ling klàng càr Gia Lai lam sồr kwang bàng, cau ling Mpồl ling K52 lài mờ tŭ lòt gùng jòi rồ ƀồc ntìng cau ling chơ̆t màng

                                              Mpồl ling K52 lik lòt tus lơgar Campuchia

Tơngai bơh tŭ do tus jơh kàl prang nam 2022-2023. Mờ broă lơh ngan tơl mpồl, bơnah lơh broă jòi geh bơh 7 tus 10 ƀồc ntìng cau ling chơ̆t màng rơlao hờ đang. Do là dơ̆ 22 Mpồl K52 càr Gai Lai lòt gùng lơh jăt kơnòl. Tàm 21 dơ̆ lài, Mpồl do neh jòi rồ, tơrgùm mờ tơnrê geh 1 rơbô 446 ƀồc ntìng cau ling chơ̆t màng bal mờ cau jăk chài lơgar Việt Nam chơ̆t phi să tàm ală rài tam lơh tàm lơgar Campuchia.