Tơngai bơh nam 2017 tus 2022, pah nam càr geh 63 rơbô hìu làng bol lơh broă sa kă bro jăk ală kấp, tàm hơ̆ geh 297 hìu làng bol lơh sa kă bro jăk kấp dà lơgar. Ală hìu do ai geh broă lơh cau tàm do in tơn rơlao 320 rơbô nă, priă geh tơl nă cau lơh broă geh bơh 4 tơlăk nggùl tus 6 tơlăk đong tàm 1 nhai.

Ală hìu làng bol lơh broă sa kă bro jăk tàm càr Gia Lai kung pơgồp bal tàm broă lơh pràn broă tam gơl phan tam, phan ròng, ngui bơta gơguh jăk khoa họk kỹ thuật tàm broă lơh sa; lam sồr mpồl cau sơrlèt mờ kal ke klàs mờ rơƀah, brồ guh lơh pas; tus bal bơ̆t bơtàu ƀòn lơgar pa. Tơngai bơh nam 2022 tus 2027, ală kấp mpồl ai gùng dà pơn jăt tai lơh uă, lơh pràn broă ngai sơlơ nền nòn, mùl màl mờ geh cồng nha. Di tàm dơ̆ do, UɃÑZ càr Gia Lai pà sră jờng rơ ai 18 mpồl, 94 nă cau; Mpồl cau lơh broă sa càr pà sră jờng rơ ai 17 mpồl mờ 42 nă cau geh cồng nha jăk chài tàm broă làng bol pơrlòng lơh sa kă bro jăk tơngai bơh nam 2017 tus 2022.