Tŭ do, tàm càr Gia Lai geh di pơgăp 8 rơbô mpồl lơh sa kă bro, mờ kờp jơh khà priă dan cih sră 120 rơbô tơmàn đong. Tàm khà do, geh rơlao 47% là mpồl lơh sa kă bro dềt.

Den tàng, broă lơh pràn bơta dờng mpồl bơtiàn lơh sa kă bro bơh broă tam gơl sồ geh kwơ màng ngan gơwèt mờ broă tơnguh bơtàu lơh sa mpồl bơtiàn tàm càr do. Pơrjum bơsram tàp geh đơs ală jơnau git wă tờm bè tam gơl sồ ai mpồl lơh sa kă bro in, broă krơi is đah atbồ mpồl lơh sa kă bro, broă atbồ tăc phan ờs mờng ha là broă ngui tam gơl sồ di pal mờ mpồl lơh sa kă bro dềt, dềt ngan mờ hợp ták xã. Git broă tam gơl sồ là dơ̆ bè rơndeh ồs lòt gùng mờ ờ gơtùi rŭc rê wơl. Càr Gia Lai kung geh uă broă lơh nàng dong kờl ală mpồl lơh sa kă bro, bè pờ uă pơrjum bơto pơlam, dong kờl ală pang website, dong kờl ală mpồl lơh sa kă bro ai phan bơh să tờm lơh gơs, tàm hơ̆ uă ngan là phan geh lơh bơh broă lơh sa suơn sre mờ phan OCOP tus tàm drà kă bro điện tử.