Mho ngai 04/11, Tỉñ ủy Gia Lai neh bơyai lơh pơrjum tơn jơh 5 nam lam lơh jat broă lơh sồ 38 bơh Ƀan Thường vụ Tỉñ ủy dê lơh jat Jơnau sồr sồ 13 bơh Ƀan Ƀí thư dê bè sơlơ tơnguh bơta đơng lam bơh Đảng dê gơ wèt mờ broă lơh atbồ, sền gàr mờ bơtàu tơnguh brê tàm càr.

Jat jơnau yal tàm pơrjum, tus tŭ do, Gia Lai neh lơh gơs broă kờp sền, tam gơl broă rơndap ù tiah 3 bơta brê tus nam 2025, broă wèt sền tus nam 2030, lơh gơlik bơta ƀuơn tàm broă lơh atbồ, sền gàr brê tàm càr. Càr neh hòi jà ai geh rlau 1 rbô tơmàn đông bơh kes priă nàng tă tơm ai broă sền gàr tiah kis brê in. Ală mpồl lơh sa kă bro, hìu bơnhă, cau dùl nă să neh tus bal tam geh rlau 24 rbô lồ brê lơh sa.

Bulah bè hơ̆ broă lơh atbồ, sền gàr brê tàm Gia Lai kung gam uă kal ke tài priă tă lơh ờ hềt tơl jat jơnau sồr, uă bă brê neh gơtìp sơ gràm aniai, bơta sơ gràmù brê kung gam gơlik geh uă, uă bă brê gơtìp gơmù uă ngan.

Càr Gia Lai lơh ngan tus nam 2025 geh tơnguh khà jơm glòm brê geh 47,75%. Pah nam tam pa geh 8 rbô lồ brê mờ tam tờm chi lơh sơnơm hơ đơm mƀur brê.