Mang ngai 04/11, tàm Ƀlàng dờng Lâm Viên ƀòn dờng Dà Làc, Đoàn Ơruh pơnu Kộng sản Hồ Chí Minh dà lơgar pơgồp bal mờ Tỉñ ủy, Ủy ƀan Ñân zân càr Lâm Đồng bơyai lơh dơ̆ Dơ̆ jàu khà jờng Lương Định Của dơ̆ 17 mờ jàu khà jờng dar lồi dŭt dơ̆ pơrlòng rơndap broă lơh sơnđờm mut lơh broă ơruh pơnu ƀòn lơgar nam 2022. Bơh 17 nam bơyai lơh, khà jờng Lương Định Của neh jờng rơ  2 rơbô 050 nă “cau lơh broă sa jak ngan”. Mờ nam do, khà jờng geh jàu ai 32 nă cau krơh niam ơruh pơnu pơn rơ jak mờ nùs nhơm brồ guh lơh pas mờ lơh geh cồng nha uă tàm gùt lơgar.

Tàm ală krơh niam ơruh pơnu dờp Khà jờng Lương Định Của nam 2022, uă bơyô kơnòm să geh priă lơh geh rlau 30 tơmàn đong mờ geh bơyô lơh geh 706 tơmàn đong, priă cồng gĭt nđờ tơmàn đong pah nam. Ngan là, uă gơ̆p bơyô ơruh pơnu làng bol kòn cau dùl ết nă cau tàm ală tiah gam kal ke mơya mờ nùs nhơm mờ bơta pràn is neh brồ guh lơh pas di pal, gơ gơs là ală cau priă tơlak kơnòm să. Do là ală cau lơh ngan tàm ală srơh ơruh pơnu pơrlòng lơh sa, kă bro jak, rơnàng kơnòm să sơm bat tê bal bơt bơtàu ƀòn lơgar pa tàm tiah do dê.