Đơs tàm dơ̆ jờng rơ cau pà mhàm is pơn rơ jak nam 2022, mò Y Ngọc, Phó Củ tịc Ủy ƀan Ñân zân càr Kon Tum, Kwang atbồ Mpồl đơng lam hòi jà pà mhàm dong kờl is đơs nền, srơh pà mhàm dong kờl is bơh càr dê tàm ală nam do neh geh tă pơgồp dờng màng ngan tàm broă lơh sền gròi pràn kơl dang să jan ai làng bol in.

Mìng is nam 2022 càr Kon Tum neh bơyai lơh 34 dơ̆ pà mhàm is, dờp rlau 6 rơbô 800 kơldung mhàm, lơh geh rlau 136% broă jàu bơh Mpồl đơng lam dà lơgar hòi jà pà mhàm dong kờl is. Tàm dơ̆ jờng rơ cau pà mhàm is pơn rơ jak nam 2022, Mpồl đơng lam hòi jà pà mhàm dong kờl is càr Kon Tum jàu pà Ƀảng lơngô lơh mờ dơm chi jờng rơ ai 36 nă cau mờ 11 hìu bơnhă geh cồng nha jak ngan tàm broă pà mhàm dong kờl is, pà Ƀằng khen ai 22 nă cau mờ 20 mpồl cau... geh cồng nha tàm broă pà mhàm dong kờl is.