Jăt mờ hơ̆, bơh ngai 15/11/2022 tus ngai 05/02/2023, Kwang àng càr Dăk Nông bơh càr tus xã geh ai jơh ală mpồl ling, rơndeh rơndồ, măy mok, phan ngui lơh broă, lơh jăt dùl ròt bal ală broă lơh ờs mờng, gĭt nền broă gơlik geh tàm ƀòn lơgar, di tŭ yal mờ kâp ủy, gơnoar ătbồ ală kâp in, hòi tơrgùm bơta pràn tơrgùm bal bơh jơh ală anih lơh broă cíñ trị, mờ jơh gùt làng bol jơh nùs tus bal rơcăng sơndră lài, yal yă cau lơh tìs, ờ niam mpồl bơtiàn, ală broă lơh lơh tìs adat boh lam; bơsong jơh ală broă kal ke bè lơngăp lơngai rơndăp tăp sèng.

Đơs tàm dơ̆ bơyai lơh ai cau lòt lơh broă, Đại tá ồng Bùi Quang Thanh, Kwang ătbồ Kwang àng càr Dăk Nông sồr mpồl kwang àng jơh gùt càr dê lơh jăt niam nùs nhơm geh kơnòl uă, lơh jăt niam adat boh lam, duh rơngòt adat boh lam, lơh jăt niam ală broă lơh ờs mờng nàng kơryan jơh ală jơnau, bơta lơh broă lơh tìs bơh tàm ƀòn lơgar tơn.