Broă bơyai lơh dơ̆ pơrlòng khà jờng sră ƀăo rơ̆p pơgồp bơnah lơh gơlik geh bơta gơn kơnờm nàng tơnguh uă bơta niam, cồng nha lơh broă yal tơngĭt jơnau, mblàng yal jơnau bè broă lơh bơh Quôk hội mờ Hội đồng Ñân zân dê; pơgồp bơnah tơnguh uă bơta niam mờ khà ală jơnau cih sră ƀăo bè Quôk hội mờ Hội đồng Ñân zân. Phó Củ tịc duh broă sùm Quôk hội ồng Trần Thanh Mẫn kơ̆p kờñ là, ală cau lơh ƀăo, cau cih jơnau sră ƀăo pơn jăt tai lơh jăt niam nùs nhơm geh kơnòl, bơsram tàp nùs nhơm cíñ trị, tơnguh uă bồ tơngoh gĭt wă, nùs nhơm lơh broă, sùm lơh jăt di gùng dà, broă lơh bơh Đảng dê, adat boh lam Dà lơgar dê; yal wơl di tŭ, dipal mờ geh ală jơnau mblàng sền jrô bè broă, gơnoar broă, gơnoar, kơnòl mờ broă lơh bơh Quôk hội, Ủy ƀan Thường vụ Quôk hội, Mpồl duh broă jơi bơtiàn kòn cau, ală Ủy ƀan Quôk hội dê, Mpồl Kwang bàng Quôk hội, kwang bàng Quôk hội mờ Hội đồng Ñân zân dê.