Lồi nam do geh sơn đờm lam lơh Rơndap broă lơh gùng rơndeh ntoat rat tiah đah tô- tiah đah jum dà lơgar gơl lòt gan càr Phú Yên. Do là jơnau tơnggit geh yal tàm dơ̆ lơh broă mho ngai 03/11, đah Thứ truởng Ƀộ Giao thông- Vận tải ồng Nguyễn Duy Lâm mờ Ủy ƀan Ñân zân càr Phú Yên bè broă tơnguh mhar tơngai lam lơh broă lơh ai ù Rơndap broă lơh lơh gùng lòt ù gờl ntoat rat tiah đah tô- tiah đah jum tơngai bơh nam 2021 tus nam 2025.

Rơndap broă lơh gùng rơndeh ntoat rat tiah đah tô- tiah đah jum dà lơgar gơl lòt gan càr Phú Yên jòng rlau 90 kơi sồ, mờ kờp jơh priă bơcri 26 rbô tơmàn đông. Tŭ do, broă lơh sền sơ wì, kờp sền bă ù ngui ai rơndap broă lơh in geh 83%. Nàng lơh di tơngai lam lơh bal, Ƀộ Giao thông- Vận tải sồr càr Phú Yên lam lơh dơ̆ lĕ bal ală sră nggal pal geh nàng rơcang sơn đờm lam lơh lài mờ ngai 31/12. Ƀộ Giao thông- Vận tải hơ ai tơl làm priă bơcri drơng broă lơh ai ù in, jơh nùs dong kờl càr tă bơsong ală kal ke, kòl yan tàm tŭ lam lơh rơndap broă.