Jăt Ủy ƀan Mặt trận Dà lơgar Việt Nam yal, nam 2022, tiah làng bol kòn cau tàm ală càr Tây Nguyên kơ̆ kơl jăp bè bơta lơngăp lơngai cíñ trị, lơngăp lơngai mpồl bơtiàn.

Ală broă lơh, rơndăp broă lơh ai tiah làng bol kòn cau mờ tiah kơh bơnơm in geh gơguh niam cồng nha; ală broă lơh rài kis lơh broă sa mpồl bơtiàn, dong kờl cau rơƀah geh sền gròi. Ala măt là cau geh bơngă pin dờn, cau kơ đơng yàng tàm ală càr Tây Nguyên neh pơgồp bal jơnau đơs, jơnau dan bè uă broă: dong kờl priă ai cau geh bơngă pin dờn, kwang bàng ƀòn; broă bơto broă lơh ai cau lơh broă tàm tiah gơtìp kal ke, kòn cau in; tơl niam ù lơh sa nàng làng bol tơnguh bơtàu; tơnguh khà priă nàng tơnguh bơtàu nhơl chờ mpồl bơtiàn; broă sền gàr brê; kơrnoăt rơwah mŭt lơh broă ai cau oh kòn kòn cau... tơnơ̆ mờ tŭ neh iăt jơnau đơs bơh ală kwang bàng, ồng Đỗ Văn Chiến, Củ tịc Ủy ƀan Mặt trận Dà lơgar Việt Nam pà git, Ủy ƀan Mặt trận Dà lơgar Việt Nam bal mờ ală anih lơh broă dờp jơh ală jơnau đơs bơh ală kwang bàng dê mờ kơ̆p kờñ, làng bol kis tàm ală càr Tây Nguyên pơn jăt tai tam klăc bal, bơ̆t bơtàu Tây Nguyên ngai sơlơ tơnguh bơtàu rơlao.