Mờ tơngume “Dà Làc- Ƀòn dờng 4 kàl bơkàu”, Festival bơkàu Dà Làc dơ̆ 9 nam 2022 là bơta tàm pơn jat tai, đơs nền, jờng rơ cau tam bơkàu mờ yal tơnggit ală bơta kuơ bè bơkàu, bè ală phan lơh gơs bơh suơn sre tiơng pơn rơ mờ bơkah bơh Dà Làc, Lâm Đồng dê, bè: ce, biap, kơphe, biài rơ tèl.

Đơs tàm dơ̆ mut lơh, Phó Củ tịc lơgar mò Võ Thị Ánh Xuân đơs là, Festival bơkàu Dà Làc dơ̆ 9 là chờ niam ngan, geh gơ rềng ngan ngồn, ờ mìng jờng rơ bơta hàng niam is bơh Dà Làc dê mờ gam sơlơ chồl pràn bơta bơtàu tơnguh gah tam, tac bro mờ tac hờ lơgar ndai bơkàu, phan lơh gơs bơh suơn sre neh geh dờp mat kă bro – Dà Làc- tơrgùm crih crài bơh ù niam”. Phó Củ tịc đơs nền, do kung là tŭ niam nàng yal tơnggit rùp hin ù tiah Dà Làc hàng niam, kòn bơnus Dà Làc “lơbơn niam, sơrmah sơr mài, kờñ nac”, pơgồp bơnah bơtàu tơnguh nhơl chờ, bơtàu tơnguh wơl, bơtàu tơnguh lơh sa- mpồl bơtiàn tơnơ̆ kòp Kovid-19.