Bơta pơn rơ tàm nam 2022, Mặt trận dà lơgar neh hòi jà, tơrgùm ală rơnàng làng bol; lơh kơ̆ kơljap, sơlơ tơnguh, ngui niam bơta pràn tam klac dờng gùt jơi bơtiàn, bơt bơtàu mờ sền gàr dà lơgar Việt Nam xã hội củ nghĩa. Broă lơh git gŏ mờ đơs ală broă tàm làng bol, đoàn viên, cau tàm mpồl pơn jat tai geh lơh niam, bơh uă broă lơh; ai tơlik broă lơh tă bơsong ală kal ke, kòl yan.

Ủy ƀan Mặt trận dà lơgar Việt Nam ală kâp neh hòi jà, tă pơgồp tàm Kes priă “Tài cau rƀah” mờ dong kờl làng bol tàm lơgar gơtìp gơ rềng tài bơh trồ tiah lơh aniai, càl rbut dờng dà kŏ dà cò; tă pơgồp ai broă lơh rơcang sơndră kòp Kovid-19 in. Tàm pơrjum, ală kwang bàng ring bal broă lam lơh nam 2023, ală mpồl lơh broă bơh Mặt trận dà lơgar Việt Nam dê tơrgùm lam lơh, tơnguh bơta niam, cồng nha broă lơh jat sền mờ cribơyai mpồl bơtiàn; lam lơh 2, 3 broă lơh jat sền kâp gùt lơgar; lam lơh cribơyai mpồl bơtiàn gơ wèt mờ rơndap lơh adat boh lam, sră nggal pơlam lơh jat jơnau cih bơh adat boh lam dê jat broă lơh bơt bơtàu adat boh lam, kơrnuat boh lam nam 2023.