Ala mat Đảng, Dà lơgar, Củ tịc Ủy ƀan Mặt trận Dà lơgar Việt Nam ồng Đỗ Văn Chiến pơyoa jơnau gờm chờ Noel tus Cau đơng lam bồ Hìu yàng Bàp càr Kon Tum ồng Nguyễn Hùng Vị, ală bàp yàng, cau ơn să Yàng in mờ làng bol jat Yàng Bàp dùl kàl Noel ram mhŭ, lơngai lơngò, chờ hờp, lơh geh uă cồng nha mờ dờp geh uă bơta lơngap lơngai bơh Yàng Bàp dê.

Cribơyai mờ Cau đơng lam bồ hìu Yàng Bàp càr Kon Tum ồng Nguyễn Hùng Vị, ala mat ală cau duh broă yàng mờ làng bol jat yàng bàp, ồng Đỗ Văn Chiến đơs sùm, bulah neh lơh geh uă ngan cồng nha dờng màng bè bơtàu tơnguh lơh sa- mpồl bơtiàn, rài kis tơl gah lơngap lơngai mơya nam 2023 tàm broă lơh bal bơh dunia dê kung sền gĭt lài là dà lơgar bol he dê rơ̆p geh kal ke, bơta hơ̆ sồr pal geh bơta dùl nùs bal, sơm bat tê bal bơh gùt Đảng, gùt ling klàng mờ jơh gùt làng bol dê.