Tàm kâp càr, PC Dăk Lăk neh tus bal mờ ală mpồl ling bơh Kwang àng càr dê, Ủy ƀan Ñân zân ƀòn dờng Buôn Ma Thuột mờ bàr pe anih, lơh jăt broă tàp rơcăng sơndră mờ crùh ồs sa mờ dong kờl rềs àr gơ aniai tàm Anih tờm kă bro Co.op mart Buôn Ma Thuột. Ală dơ̆ tàp neh dong tơnguh uă bơta pràn jak lam lơh đơng lam, lơh gùng dà lơh broă, broă lơh pơgồp bal đah kảñ sát rơcăng sơndră mờ crùh ồs sa mờ ală mpồl cau tàm broă bơsong ală dơ̆ ồs sa dờng, ồs sa kal ke tàm ală anih kwơmàng tàm ù tiah càr Dăk Lăk. Tàm ală kơnhoàl, thị xã, ală mpồl ồs đèng càr Dăk Lăk dê kung neh bơyai lơh bơto pơlam bơta mờng chài tàm broă lơh, tàp lơh bè broă lơh rơcăng sơndră crùh ồs sa mờ tàp bơta chài dô klàs mờ dong kờl cau gơtìp rềs àr tŭ gơlik geh ồs sa bơrtoh.