Dờp jơnau jà bơh Phó Củ tịc lơgar mò Võ Thị Ánh Xuân dê, Kòn klau bơtau lơgar Đan Mạch ồng Frederik mờ Pơ ùr mò Mary Elizabeth còp ngan ngồn Việt Nam bơh ngai 31/10 tus ngai 03/11. Drim ngai 01/11, tơnơ̆ Dơ̆ bơyai lơh wă rò ngan ngồn tàm Hìu Củ tịc, Phó Củ tịc lơgar mò Võ Thị Ánh Xuân neh geh dơ̆ cribơyai mờ Kòn klau pơdờn guh ăt bơtau lơgar Đan Mạch dê.

Phó Củ tịc lơgar mò Võ Thị Ánh Xuân wă rò mờ cribơyai mờ Kòn klau pơdờn guh ăt bơtau lơgar Đan Mạch dê ồng Federik

Phó Củ tịc lơgar mò Võ Thị Ánh Xuân chờ hờp tềng đăp broă bơta gĭt gơ̆p lơh bơyô bal mờ lơh broă bal uă bơta đah bàr lơgar gam bơtàu tơnguh jrô ơnàng làm uă mờ jơh nùs ngan tàm jơh ală broă, ngan là bè bơcri priă, lơh broă bal năng lượng, tiah ơm kis mờ gơdờp bal mờ tam gơl trồ tiah, bơto bơtê, niam chài...Phó Củ tịc lơgar Mò Võ Thị Ánh Xuân kơ̆p kờñ ngai sơlơ geh uă mpồl lơh sa kă bro lơgar Đan Mạch dê bơcri priă, kă bro geh cồng nha tàm Việt Nam tàm ală gah broă mờ Đan Mạch geh bơta pràn mờ Việt Nam geh jơnau kờñ.