Pơrjum tơrgùm cri bơyai tàm 3 mpồl broă là: Ngui kông nghệ nàng pờ ơnàng, tơnguh bơtàu mờ sền gàr mpồl lơh sa kă bro tàm broă lơh pa; bơ̆t bơtàu wơl mpồl lơh sa kă bro; pờ ơnàng broă tơrbŏ bal nàng “Lơh broă bal mờ tơnguh bơtàu bal”.

Đơs tàm pơrjum, Phó Củ tịc lơgar mò Võ Thị Ánh Xuân kơ̆p kờñ, ală cau jăk chài lơh sa, ală kwang bàng lơh broă ai gùng dà broă lơh, cau ùr lơh sa kă bro bơh ală lơgar tàm mpồl ASEAN geh cri bơyai bal, ai geh ală broă bơceh lơh mờ jơnau dan geh kwơ, nàng ai tơl bơta niam cau ùr lơh sa kă bro, mpồl lơh sa kă bro geh cau ùr lơh tờm nàng tìp mờ ală bơta pràn tơnguh bơtàu.