Jat jơnau yal bơh Ƀộ Tài cíñ dê, kờp bal 11 nhai nam 2022, CPI gơguh 3,02% pơndrờm dùl tŭ bal mờ nam lài; roh giă priă sền bal gơguh 2,38%. CPI kờp bal nam 2022 kờp dŭ gơguh bơh 3,1 tus 3,2% pơndrờm mờ nam 2021, sơñio khà  roh giă priă ơm tàm bơnah jơnau kờñ Dà lơgar dê ai tơlik... Mơya, bơdìh mờ ală cồng nha neh lơh geh, broă lơh atbồ đơng pơlam giă kung gam bàr pe bơta ờ hềt pràn, ờ niam bè broă bơt bơtàu, lơh sir kơrnoat, broă lơh adat boh lam tàm gah giă...

Phó Thủ tướng ồng Lê Minh Khái đơs sùm, pal pơn jat tai geh broă lơh tờm tàm broă atbồ, đơng pơlam giă nam 2023 bè: sơlơ tơnguh broă lơh atbồ, đơng pơ lam giă tàm tơngai sa tềp dà lơgar Qúy Mão; đơng pơ lam giă ală gah phan dà lơgar atbồ kơlôi sơnơng nền tàm ală nhai bồ nam nàng lơh geh bơta  lơngap lơngai ai broă lơh gròi sền roh giă priă gùt nam; rcang lài mờ ngăc ngar tàm broă atbồ, đơng pơ lam giă gùt nam 2023.